Herzlich willkommen!
Wir freuen uns über Deinen Besuch auf unserer Homepage
Freind
Es gibt so Tag,
do woaß ma net, ob d'Sonn moi wieda kimmt
Do kriachst z'ruck in dei Bett
auf dass da Draahm de Woikn nimmt
Do schaugts an Regn naus
und du denkst, heit steh i gar net auf
Denn alles was no kemma kannt
des regt di grod no auf
Dann leit a no des Telefon
beim drittn Moi stehst auf
ZEFIX, wer jagt di jetzad
vo deim warma Bett no auf
He kimm, host Zeit
a kloane Rundn laafa daat grod guat
So kimmts vom Höra raus
du glabst gar net wia guat des duat
Warst zerst a no so daasig
dass dei Hund di nimma mog
So geht auf oamoi d'Sonn auf
wia am schönstn Sommertag
Do schaugt dei Gsicht glei andas aus
wenns drauss a no so rengt
in 5 Minutn bin i g'schickt
des hättst da zerst nia denkt
Freind san wiar a Sonnableame am vorengtn Tag
Freind san wiar a Kachelofa,
wenn da Frost di plagt
Freind san wiar a Tass Kaffee
wennst moanst dass'd nimma konnst
Freind san wiar a Frühlingstag,
wos'd di a wengerl sonnst.
Dei Chef, der hot grad gsagt
du hast dei Soll net ganz erreicht
Dei Bua kimmt mit am Sechsa hoam
de Augn san no ganz feicht
Dei Waschmaschin im Keller
gibt an Geist grad wieda auf
Dass in da Kuche s'Wassa steht,
des gibt an Rest no drauf
Dann leit a no des Telefon
beim dritten Moi stehst auf
ZEFIX, wer jagt di jetzad
vo deim warma Bett no auf
He kimm, host Zeit
a kloane Rundn laafa daat grod guat
so kimmts vom Höra raus
du glaabst gar net wia guat des duat
Warst zerst a no so daasig,
dass dei Hund di nimma mog
so geht auf oamoi d'Sonn auf
wia am schönstn Sommatag
Do schaugt dei G'sicht glei andas aus
wenn's drauss a no so rengt
in 5 Minutn bin i gschickt
des hättst da zerst nia denkt
Freind san wiar a Sonnableame am vorengtn Tag
Freind san wiar a Kachelofa,
wenn da Frost di plagt
Freind san wiar a Tass Kaffee
wennst moanst dass'd nimma konnst
Freind san wiar a Frühlingstag
wos'd di a wengerl sonnst
Freind, de machan d'Tür auf
wenn si sunst da Vorhang senkt
Freind, de sogn da a moi
was da anda si grod denkt
Freind, de helfan da
de schwarn Zeitn mit zum tragn
des is jetzt für mi a Grund
bei eich zum DANKSCHÖN sagn!
(Text und Musik Angelika Fischer)
